మార్షల్ ఆర్ట్స్‌తో ప్రపంచ వ్యాప్తంగా అభిమానుల్ని సంపాదించుకున్న హాంగ్‌కాంగ్ నటుడు జాకీ చాన్ కల ఎట్టకేలకు నెరవేరింది. 1962లో చైల్డ్ ఆర్టిస్ట్‌గా సినిమాల్లోకి అడుగుపెట్టిన అతడు 56 ఏళ్ల తర్వాత, దాదాపు 200 సినిమాల్లో నటించిన తర్వాత తొలిసారిగా ఆస్కార్ అవార్డును గెలుపొందాడు. దీంతో ఆస్కార్‌ను ముద్దాడాలనే అతడి 23 ఏళ్ల స్వప్నం సాకారమైంది. ఈ సందర్భంగా జాకీచాన్ తన అభిమానులకు ధన్యవాదాలు తెలిపాడు. మీ కోసం నేను ఎప్పటికీ సినిమాలు చేస్తూనే ఉంటాను. కిటికీల నుంచి దూకుతా, నా ఎముకల్ని కూడా విరగొట్టుకుంటా అంటూ ఉద్వేగభరితంగా మాట్లాడాడు. నవంబర్ 12న లాస్ ఏంజెల్స్‌లో జరిగిన 8వ వార్షిక గవర్నర్ అవార్డును ఆయన స్వీకరించారు. భిన్న కోణాల్లో సినీ రంగానికి జాకీ చాన్ చేసిన సేవలకు గుర్తింపుగా ఈ గౌరవ పురస్కారం ఆయనకు లభించింది.
జాకీ చాన్‌తో పాటు ఫిల్మ్ ఎడిట‌ర్ అన్నీ కోట్స్‌, కాస్టింగ్ డైర‌క్ట‌ర్ లిన్ స్టాల్‌మాస్ట‌ర్‌, డాక్యుమెంట‌రీ ఫిల్మ్‌మేక‌ర్ ఫ్రెడ్రిక్ వైజ్‌మాన్‌లు కూడా ఆస్కార్ గౌరవ అవార్డుల‌ను స్వీకరించారు. అక్రోబాటిక్ ఫైటింగ్ స్ట‌యిల్‌, కామిడీ స్టంట్స్‌, ఆధునాత‌న ఆయుధాలతో సినిమాల‌ను ఆస‌క్తిక‌రంగా ప్రజెంట్ చేయ‌డంలో జాకీ చాన్ దిట్ట.
No comments:
Post a Comment