ఇంటర్నెట్ పని చేయనప్పుడు ఇలా చేయండి

ప్రస్తుతం ప్రతి ఒక్కరి జీవితం ఇంటర్నెట్‌‌‌తో ముడిపడి ఉంటుంది. కొందరు నెట్ లేకుండా ఒక్క క్షణం కూడా గడపలేని స్థితిలో ఉంటారు. ఆఫీస్ అయిపోయాక ఇంటిలో కూడా కొందరు నెట్‌తోనే సమయాన్ని గడుపుతూ ఉంటారు. సడన్‌గా మీరు ఇంటర్నెట్‌కు ఒకరోజంతా దూరం అయ్యారనుకోండి అప్పడు ఏం చేయాలో అని తెగ ఆలోచించకండి. ఇంటర్నెట్ ఫ్రీ జోన్‌లోనూ మనం హాయిగా.. ఆనందంగా గడపొచ్చు.

1. అలా వాకింగ్‌కు వెళ్లిరండి. దీంతో మీ మనస్సు ప్రశాంతంగా మారుతుంది. చాలా రోజులుగా మీరు కోల్పొతున్న ఆనందాన్ని పొందడానికి వీలుంటుంది.
2. మీ స్నేహితులను ఒకసారి కలిసిరండి. రోజూ చాటింగ్‌లలో మీరు అందరికీ టచ్‌లో ఉండి ఉండొచ్చు కానీ డైరెక్ట్‌గా మీట్ కావడం వల్ల మీరు మనసు విప్పి మాట్లాడడానికి వీలవుతుంది.

3. రోజూ ఇంటర్నెట్‌లో మీరు ఏదో ఒకటి చదువుతుండవొచ్చు కానీ పుస్తకాలు తెరచి చాలా రోజులు అయి ఉంటుంది. అందువల్ల మీకు నచ్చిన బుక్స్‌ను ఒకసారి తెరవండి. హాయిగా చదువుకోండి.
4. మ్యూజిక్ వినండి. మీకు నచ్చిన సాంగ్స్ ప్లే చేసుకుని వింటూ ఆ ఆనందంలో తేలిపోండి.

5. కాసేపు సరదాగా కుటుంబంతో గడపండి. రోజూ పని ఒత్తిడితో ఉండడం, ఒకవేళ ఇంటికొచ్చినా ఇంటర్నెట్‌లో చాటింగ్ చేసుకుంటూ బిజీగా ఉండడంతోనే సరిపోతుంటుంది. అందువల్ల కొద్దిసేపు కుటుంబ సభ్యులతో జాలీగా గడపండి.
6. మీలో మీరే ఆలోచిస్తూ గడపండి. మీ స్వీట్ మెమొరీస్‌స్ ఒకసారి గుర్తు చేసుకోండి.

7. మీరు చాలా పనులు మధ్యలో ఆపి వేసి ఉంటారు. వాటన్నింటినీ మళ్లీ ప్రారంభించండి. వీలైతే పూర్తి చేయండి. ఏదైనా రాయడం ప్రారంభించి ఆపివేయడంలాంటివి చేసి ఉంటారు. అలాంటివి కంప్లీట్ చేయండి.
8. మీరు రోజూ సెల్‌లో క్యాండీక్రష్ లాంటి గేమ్స్ ఆడుతూ ఉంటారు. వాటిని ఒక్కసారి పక్కన పెట్టి కొద్దిసేపు మీకు నచ్చిన అవుట్ డోర్ గేమ్స్ ఆడండి. బాస్కెట్ బాల్, ఫుట్ బాల్, క్రికెట్ ఇలాంటివి ఆడండి.